இக் கவிதை என் நண்பர் பாலதீபக்கிற்கு நான் தரும் பிறந்தநாள் பரிசு.
பிறன் மனை நோக்காதது பேராண்மை என்றார் வள்ளுவர்
ஆனால், பிறன் மனை எனை நோக்கும் போது
என் சாதா ஆண்மையும்
விழித்துக் கொள்கிறதே, நான் என்ன செய்வது?
சில ஆண்டுகளுக்கு முன் எழுதிய இக் கவிதை - அய்யப்ப சீசனை முன்னிட்டு மீண்டும் ஒரு முறை....
புலன்களை அடக்கி, புனித நீராடி
நாளுக்கு நூறு முறை ”அவன்” பெயர் சொல்லி
”அவனையே” போற்றிப் பாடி
காலணி துறந்து கால் நடை நடந்து
மனிதக் கூட்டத்தில் நுழைந்து
முண்டியடித்து ”அவன்” முகத்தை
தீர்க்கமாய் முப்பது வினாடிகள் பார்த்தேன்.
எனக்கு இன்னமும் கொஞ்சம் சந்தேகம்.
கோவிலின் வாசலில், இரண்டு கைகளையும்
இழந்த சிறுமி, வாயினில் தூரிகை கவ்வி
குவிந்த முனைப்புடன் தளராத உறுதியுடன்
மும்முரமாய் ஓவியம் வரைகிறாள்.
அவளின் விரிந்த விழிகளையும்
கொஞ்சமும் நடுங்காத உதடுகளையும்
வியந்து பார்த்தேன்
சந்தேகமேயில்லை
நம்பிக்கை தான் கடவுள்.
நம்பிக்கை மட்டுமே கடவுள்.
ீஇது விழா பற்றிய பதிவு அல்ல. அரஙகிற்கு வெளியே ஒலித்தகடு விற்குமிடத்தில் நின்று கொண்டிருந்தேன் . வைகோு,தமிழருவிமணியன், கண்ணதாசன் என்று பலருடைய ஒலித்தகடுகள் பரப்பி வைக்கப்பட்டிருந்தன. இது விற்பவருக்கும் வாங்கும் ஒருவருக்கும் இடையே நடந்த உரையாடல்:
"சார், தமிழருவி மணியன் வாங்கிக்கிங்க"
'வேண்டாங்க, அவருது ஒரு தடவைக்கு மேல கேக்க முடியாது'
'இதப் பாருங்க, வைரமுத்துது. மூணு மண்ணேரம் பேசுவார்'
'மூணு மண்ணேரமா!'
'ஆமாங்க, கலாமோட அக்னி சிறகுகள் பத்தி பேசுனது'
'அந்த புக்கையே அப்பிடியே படிச்சிட்டாரா?'
'இல்லீங்க, அந்த புக்கில இருக்கிற மேட்டர் தான்'
'கலாம் பேசுனது இல்லியா?'
'இந்த மேட்டர அவர் பேசுறத விட இவுர் பேசறது தான் நல்லா இருக்கும்.இவரு நல்லா ஏத்தி எறக்கி பேசுவாரு."
கடந்த 20 வருடங்களில் நம்மைச் சுற்றி எவ்வளவோ மாற்றங்கள். அவை எல்லாம் இந்த நூற்றாண்டில் நம்மை, நம் வாழ்முறையை மாற்றியிருக்கின்றன. கீழ்க்கண்டவை உங்களுக்குப் பொருந்துமா? இவற்றில் 6க்கு மேல் உங்களுக்குப் பொருந்தும் எனில் நீங்கள் இந்த நூற்றாண்டில் வாழத் தகுந்தவர். இல்லையேல் நீங்கள் ஒரு மன நல மருத்துவரைப் பார்ப்பது உங்கள் கூட வாழ்பவருக்கு நல்லது.
எந்த சூழலையும் சாதகமாகப் பயன் படுத்த முடியும், நம் சிந்தனையில் புதுமை இருந்தால். அமெரிக்காவில் உள்ள Tees and tats என்ற T-சர்ட் விற்கும் நிறுவனம், T-சர்டின் விலையை பங்குச் சந்தையின் குறியீட்டு எண்ணைக் கொண்டு நிர்ணயிக்கிறார்கள். உதாரணத்திற்கு, சென்செக்ஸ் 10000 பாய்ண்டாக இருக்கும் பொழுது நீங்கள் Rs.500 கொடுத்து வாங்கும் சட்டைக்கு, அடுத்த 60 நாட்களுக்குள் ஒவ்வொரு 1000 பாய்ண்ட் குறைவிற்கும் Rs.50/= ஐ திருப்பிக் கொடுக்கிறார்கள். ( அதிக பட்சமாக - 7 முறை).
எப்படியெல்லாம் யோசிக்கிறார்கள் பார்த்தீர்களா?
இந்த பதிவிற்கு முதலில் 'வித்தியாசமான பார்வை' என்று தான் தலைப்பு கொடுக்க நினைத்தேன். தமிழில் மிகவும் பயன்படுத்தப்பட்டு நீர்த்துப் போன (பன்முறை **பழிக்கப்பட்ட) சொல் இந்த 'வித்தியாசமான' என்பதால் மாற்றி
வாரனாசியைச் சேர்ந்த இந்த டாக்ஸி டிரைவர் வித்தியாசமானவர். டாக்ஸி ஸ்டாண்டில் உட்கார்ந்து பேப்பர் படித்துக் கொண்டு, பீடி கடித்துக் கொண்டிருக்காமல், வெளிநாட்டு டூரிஸ்டுகளுக்கு youtube மூலமாக தனது சேவைகளை விவரித்து விடியோவில் பேசுகிறார். Youtube உங்கள் மொபைலில் தெரியும் -GPRS அல்லது 3G இருந்தால். வாரனாசிக்கு வரும் வெளிநாட்டுப் பயணிக்கு youtube பார்ப்பது மிக எளிதாக இருக்கும் - யாரையும் கேட்பதை விட.
